آخر الأخبار :
الرئيسية | منوعات | تامر حسني يكشف عن مشهد كان يحلم به منذ الصغر ويعلق: أمي أول معجب ليا

تامر حسني يكشف عن مشهد كان يحلم به منذ الصغر ويعلق: أمي أول معجب ليا

10:15 م السبت 08 يناير 2022

كتب- هاني صابر:
كشف النجم تامر حسني، عن المشهد الذي كان يحلم به منذ صغره، بالإضافة إلى دور والدته في حياته، كما حرص على توجيه نصيحة للشباب.
ونشر تامر، الفيديو، عبر حسابه على إنستجرام، وعلق: “المشهد ده كان أكتر مشهد بحلم بيه من وأنا صغير تقريباً، كنت بشوفه كل شهر بأشكال مختلفة وكنت بسأل نفسي طب يا رب أنا هتشهر بالشكل ده والناس هتحبني كدا في أي مجال عشان ساعتها كنت بلعب كورة بس كان عندي إصابات كتير بدري على سني ومشاكل مع بعض المدربين اللي مقتنع بيا واللي مش مقتنع بيا فبيخليني احتياطي موسم كامل وده شيء محبط لأني كنت مصنف لاعب مهاري كويس”.
وتابع: “الموضوع ده اتكرر معايا في الزمالك والأهلي، والإتنين استغنوا عن خدماتي، يعني زي ما تقولوا كدا في ظروف كانت بتتجمع عشان أفهم إن الكورة مش مستقبلي رغم تعلقي بيها الجنوني بس أتاري ربنا كان كاتبلي مستقبل تاني وأفضل ليا، بس عرفت ده لما دورت جوه نفسي بجد بمساعدة أو معجب ليا أول fan في حياتي والوحيد اللي كان مصدقني وهي أمي”.
وأضاف: “يعني مهم أوي إنك تدور جوه نفسك عشان لازم هتلاقي ربنا مخلقكش فاضي، وأتمنى من الأهل إنهم يركزوا مع ولادهم في أصغر سن ليهم ويفضلوا دايما يكلموهم عن الحلم والطموح والنجاح.. بكتب الكلام ده وواثق مليون في المية، إن فيكم حد محتاج يسمعه وكان مستنيه.. الإشارة جت أهي مالكش أو ملكيش حجة”.
يذكر أن تامر حسني طرح مؤخرا أغنية بعنوان “قد التحدي” عبر قناته الرسمية بموقع الفيديوهات يوتيوب، وتبرع بها لذوي الهمم ضمن مبادرة يوم التحدي، وهي من كلمات: محمد القاياتي، وألحان محمد حمزة، وتوزيع أحمد عادل، والكليب من إخراج خالد الشوربجي.

عن جُرنَال Algornaal

x

‎قد يُعجبك أيضاً

الحلفاوي يعلق على الشوط الأول بين مصر وكوت ديفوار بأمم إفريقيا

الحلفاوي يعلق على الشوط الأول بين مصر وكوت ديفوار بأمم إفريقيا

تعرف على أعضاء لجنة تحكيم مهرجان المركز الكاثوليكي والأفلام المتنافسة

تعرف على أعضاء لجنة تحكيم مهرجان المركز الكاثوليكي والأفلام المتنافسة

“الإسكندرية السينمائي” يطلق اسم الفنان محمود حميدة على دورته الـ 38

"الإسكندرية السينمائي" يطلق إسم الفنان محمود حميدة على دورته الـ 38

معهد العالم العربي بباريس يعرض الوثائقي “عن يهود مصر” في حضور مخرجه أمير رمسيس

معهد العالم العربي بباريس يعرض الوثائقي "عن يهود مصر" في حضور مخرجه أمير رمسيس

ياسمين صبري بإطلالة جذابة ومميزة في أحدث ظهور لها

ياسمين صبري بإطلالة جذابة ومميزة في أحدث ظهور لها