آخر الأخبار :
الرئيسية | منوعات | القصة الكاملة لأزمة أبناء شعبان عبد الرحيم.. شتائم وشومة وجلطة وطرد من المنزل

القصة الكاملة لأزمة أبناء شعبان عبد الرحيم.. شتائم وشومة وجلطة وطرد من المنزل

11:29 ص الأربعاء 12 يناير 2022

كتب- عبد الفتاح العجمي:
ظهرت للنور أزمة حول الميراث بين أبناء النجم الشعبي الكبير الراحل شعبان عبد الرحيم، وعددهم 5 أبناء وبنت.
بداية أزمة أبناء شعبان عبد الرحيم
الأزمة بدأها عبد الرحيم شعبان عبد الرحيم، خلال مداخلة مع برنامج “الوسط الفني” عبر قناة “الحدث اليوم”، قال فيها في وجود شقيقه عصام شعبان عبد الرحيم ضيفا على البرنامج: “أنا روحت عشان أخد حقي من الورث وعصام أخويا وقف مراته وبناته الاتنين وحدفوني بالقزاز في الشارع وشتموني وقالولي كلام مينفعش يتقال، ده يرضي ربنا أو يرضي أبويا الله يرحمه؟ وأنا بتكلم في وجود عصام وقدام الناس كلها”.
فيما رد عصام شعبان عبد الرحيم قائلا: “هو جه شتم عند البيت ومبقتش عارف أعمل إيه وأجيب حق مراتي وبناتي إزاي، خليتهم هما يردوا عليه، وجالي جلطة اليوم ده، هو جابلي جلطة، جاب شومة وقال يا عصام يا ابن كذا كذا في الشارع، ده ينفع؟”.
[embedded content] خميس شعبان عبد الرحيم ينفي
من جانبه، نفى خميس شعبان عبد الرحيم وجود خلافا بين أبناء الراحل، قائلا خلال مداخلة هاتفية لبرنامج “تحت الشمس” عبر قناة “الشمس”: “دع موضوع خاص، وأي بيت في العالم فيه مشاكل، وإحنا أخوات وحرين مع بعض، والمذيع اللي جاب أخواتي على الهواء وفتح الموضوع هو السبب، والمشكلة اتحلت وعبد الرحيم وعصام اتصالحوا من سنة، وإحنا أخوات ومش عايزين حد يتدخل ما بينا، وهندفن مع بعض إحنا الخمسة، والله يرحمك يا شعبان عبد الرحيم”.
[embedded content] عدوية شعبان عبد الرحيم يصعد
قبل أن يخرج عدوية شعبان عبد الرحيم، ليؤكد وجود خلافات على الميراث بين أبناء الفنان الشعبي الكبير الراحل، وقال في فيديو نشره عبر حسابه على “TikTok”: “عايز أقول لكل الناس، الأخ اللي يمشي أخوه من البيت عشان خاطر الفلوس يبقى أصلا مش جدع، وأنا خلاص عملته بلوك من قلبي مش من التليفون بس، وأنا أخوك الصغير ومش راضي عن اللي حصل، وأنا مش عاوز فلوس خلاص”.
تابع: “أقسم بالله لو الفلوس اللي هتيجي من حاجة أبويا 10 مليون جنيه، أنا مش عاوز منهم جنيه، ولو أنتم هتبقوا مرضيين خلاص، اعملوا كده، أنا تعبان.. ومش حمل كل شوية مشاكل ومواضيع بتحصل على الفاضي، اعملوا معروف إحنا مش فاضيين وعايزين نشوف شغلنا وبلاش قلق على الفاضي”.
وأضاف: “أنا كان معايا فلوس كتير أوي وصرفتها، بس بتاعتي، مخدتش حاجة من حد فلوس، ولو حد من أخواتي له فلوس عندي فإحنا لسه لينا حاجات نبيعها وأدفع اللي عليّا، أما إني كان معايا عربية ومبقاش معايا فأنا عشان قفلت منها، كان عليّ فلوس أي كلام لأختي، بعتت لي ناس من قرايب جوزها على الطريق اتخانقوا معايا وزنقوا عليّا عشان ياخدوا مني فلوس أو العربية أو يقتلوني”.
اختتم: “أنا مسامح في حقي، لكن اللي عمل معايا أي حركة وحشة أنا خلاص شيلته من قلبي، وأنا بقول لكل الناس وأخواتي كل سنة وأنتوا طيبين”.
وعلّق “عدوية” على الفيديو قائلا: “أنا مش عايز ورث من حد، ولا عايز حاجة أبدا غير الأدب والاحترام، بجد سيبوني أعيش في هدوء من غير مشاكل، لأن أنا في بدايات طريقي وأنا عايش بعيد عنكم محدش عارف عني حاجة أبوس إيديكم، سيبوني أقف على رجلي عشان أنا عندي ٧ عيال ولادي وأنا لوحدي دلوقتي، وأبويا مش جنبي عشان يشوف أخويا وهو بيمشيني من البيت”.
جدير بالذكر أن الفنان شعبان عبدالرحيم توفي في 3 ديسمبر 2019.

@adawyashaban انا مش عايز ورث من حد ولا عايز حاجة ابدا غير الادب والاحترام بجد سبوني اعيش فهدوء منغير مشاكل لان انا في بدايت طريقي وانا عايش بعيد عنكم ماحدش عارف عني حاجة ابوس اديكم سبوني اقف علي رجلي عشان انا عندي ٧ عيال ولادي وانا لوحدي دلوقتي وابويا مش جمبي عشان يشوف اخويا وهو بيمشيني من البيت #عدوية_شعبان_عبدالرحيم #ليك_متابعه_فولو_حركه_كسبلورر 💯 #اكسبلور_فولو ♬ الصوت الأصلي – عدويه شعبان عبد الرحيم 😘☝️

عن جُرنَال Algornaal

x

‎قد يُعجبك أيضاً

“الدور كان لايق عليها”.. الفخراني يكشف سبب بكاء الناس في مشهد وفاة “ماما نونا”

"الدور كان لايق عليها".. الفخراني يكشف سبب بكاء الناس في مشهد وفاة "ماما نونا"

يحيى الفخراني يكشف كواليس مسلسل “أوبرا عايدة” وكلمة “اتلهي”

يحيى الفخراني يكشف كواليس مسلسل "أوبرا عايدة" وكلمة "اتلهي"

جوجل يحتفل بذكرى ميلاد السندريلا سعاد حسني

جوجل يحتفل بذكرى ميلاد السندريلا سعاد حسني

بعد أزمة “أصحاب ولا أعز”.. المهن التمثيلية تنفي شطب منى زكي و”الفنانين اللبنانيين”: “ندعم حرية الإبداع”

بعد أزمة "أصحاب ولا أعز".. المهن التمثيلية تنفي شطب منى زكي و"الفنانين اللبنانيين": "ندعم حرية الإبداع"

النشرة الفنية| وفاة فنان تركي وانتحار نجل ممثل وتحضيرات الدورة الـ 11 لمهرجان الأقصر

النشرة الفنية| وفاة فنان تركي وانتحار نجل ممثل وتحضيرات الدورة الـ 11 لمهرجان الأقصر